Ózbekstan Respublikası Prezidenti Shavkat Mirziyoev hám Qazaqstan Respublikası Prezidenti Qasım-Jomart Toqaev birgelikte “AlmatyFair.ai” sanlı texnologiyalar hám jasalma intellekt kórgizbesine bardı.

Mámleket basshılarına bul salalardaǵı aldıńǵı sheshimler hám innovaciyalıq qollanbalar haqqında xabar berildi.

Qazaqctan Prezidentiniń baslaması menen shólkemlestirilip atırǵan “Alem.ai” jasalma intellekt orayınıń prezentaciyası bolıp ótti.

Alem.ai – jasalma intellekt tarawında qánigelerdi oqıtıw, startaplardı iske túsiriw hám ilimiy izertlewlerdi ámelge asırıw ushın platforma.

Jetekshiler Oraylıq Aziyadaǵı eń iri texnoparkler birlespesi – “Central Asian Innovation Hubs” (“Astana Hub” hám “IT Park Uzbekistan”) jumısı menen de tanıstı.

Prezidentler sanlastırıw tarawındaǵı óz-ara paydalı birge islesiwdi keńeytiw, birgeliktegi IT ónimlerin jaratıw, jasalma intellekt hám aldıńǵı málimleme texnologiyaları tarawındaǵı milliy strategiyalardı óz-ara baylanıstırıwdıń áhmiyetin atap ótti.

ÓzA