Қытайдың алдыңғы технология компаниялары инсан көринисиндеги «адамсыпат» роботларды ғалабалық сатыўға шығарыўға таярланбақта. Жергиликли ҒХҚ хабарларына бола, бул роботлар жасалма интеллект, тәбийғый сөйлесиўди түсиниў ҳәм еркин ҳәрекетлениў қәбилетине ийе болып, ҳәр қыйлы тараўларда инсанларға жәрдем бериўге мөлшерленген.

Жаңа әўлад роботлар тийкарынан хызмет көрсетиў, билимлендириў ҳәм медицина тараўларында қолланылыўы күтилмекте. Олар қарыйдарлар менен сөйлесиў, әпиўайы тапсырмаларды орынлаў ҳәм ҳәттеки сезимтал реакцияларды билдириў қәбилетине ийе. Ислеп шығартыўшылар бул технологиялар келешекте тек ғана турмысты жеңиллетип қоймастан, мийнет базарына да сезилерли тәсир ететуғынын атап көрсетпекте.

Қәнигелердиң пикиринше, хумоноид роботлардың коммерцияластырылыўы технологиялық революцияның жаңа басқышы болып, Қытайды жасалма интеллект ҳәм робототехника тараўында жетекши мәмлекетлерден бирине айландырыўы мүмкин. Соның менен бирге, бул процесс автоматластырыў себепли жумыс орынларының қысқарыўы ҳәм инсан-робот бирге ислесиўи мәселелерин де күн тәртибине алып шығыўы мүмкин.

ӨзА