Qıtaydıń aldıńǵı texnologiya kompaniyaları insan kórinisindegi «adamsıpat» robotlardı ǵalabalıq satıwǵa shıǵarıwǵa tayarlanbaqta. Jergilikli ǴXQ xabarlarına bola, bul robotlar jasalma intellekt, tábiyǵıy sóylesiwdi túsiniw hám erkin háreketleniw qábiletine iye bolıp, hár qıylı tarawlarda insanlarǵa járdem beriwge mólsherlengen.
Jańa áwlad robotlar tiykarınan xızmet kórsetiw, bilimlendiriw hám medicina tarawlarında qollanılıwı kútilmekte. Olar qarıydarlar menen sóylesiw, ápiwayı tapsırmalardı orınlaw hám hátteki sezimtal reakciyalardı bildiriw qábiletine iye. Islep shıǵartıwshılar bul texnologiyalar keleshekte tek ǵana turmıstı jeńilletip qoymastan, miynet bazarına da sezilerli tásir etetuǵının atap kórsetpekte.
Qánigelerdiń pikirinshe, xumonoid robotlardıń kommerciyalastırılıwı texnologiyalıq revolyuciyanıń jańa basqıshı bolıp, Qıtaydı jasalma intellekt hám robototexnika tarawında jetekshi mámleketlerden birine aylandırıwı múmkin. Sonıń menen birge, bul process avtomatlastırıw sebepli jumıs orınlarınıń qısqarıwı hám insan-robot birge islesiwi máselelerin de kún tártibine alıp shıǵıwı múmkin.
ÓzA