Өзбекстанда халыққа қыстаўлы жәрдем көрсетиўди және де нәтийжели шөлкемлестириўге қаратылған «112» диспетчерлик хызмети республиканың барлық аймақларында иске қосылды. Бул ҳаққында Санлы технологиялар министрлиги мәлим етти.

2023-жыл июльде Ферғана қаласында өткерилген мәжилисте Шавкат Мирзиёев Ишки ислер ҳәм Санлы технологиялар министрликлери алдына бирден-бир «112» оператив номери ҳәм диспетчерлик системасын иске қосыў ўазыйпасын қойған еди. Нәтийжеде, Министрлер Кабинетиниң қарары менен усы хызмет басқышпа-басқыш енгизилди.

Ҳүкимет қарарына муўапық хызмет 2024-жыл 1-июньнан Ташкент қаласы ҳәм Ташкент ўәлаятында, 2024-жылдың биринши ярым жыллығында Әндижан, Наманган ҳәм Ферғана ўәлаятларында, 2024-жылдың ақырына шекем Қарақалпақстан Республикасы ҳәм қалған ўәлаятларда жумыс баслаўы режелестирилген еди.

«112» бирден-бир диспетчерлик хызмети ишки ислер, айрықша жағдайлар, қыстаўлы медициналық жәрдем, социаллық қорғаў ҳәм «Ҳудугазтаъминот» сыяқлы хызметлерди бирлестирип, халықтың мүрәжатлерин қабыллаў ҳәм қайта ислеўде бирден-бир платформа ўазыйпасын атқарады.

Қарақалпақстан хабар агентлиги