Президент жәрдемшиси Саида Мирзиёева Америка Қурама Штатлары Конгресси ағзасы, Өзбекстан менен бирге ислесиў бойынша парламент кокуси қатнасыўшысы Кэрол Миллер менен ушырасыў өткерди. Бул ҳаққында Президент жәрдемшиси өзиниң Телеграмдағы каналында жазды- деп мәлимлеме береди xs.uz сайты.

Атап өтилиўинше, сәўбетлесиў даўамында Саида Мирзиёева ҳәм Кэрол Миллер Өзбекстан – АҚШ қатнасықларын және де беккемлеў бойынша пикир алысқан.

“Билимлендириў тараўындағы реформалар, ҳаял-қызлардың ҳуқықлары менен имканиятларын кеңейтиў, бул бағдарларда Конгресс пенен бирге ислесиўди күшейтиў мәселелерине тоқтап өттик. Қызғын сәўбет ҳәм қоллап-қуўатлағаны ушын Миллер ханымға миннетдаршылық билдиремен,” деп жазады Мирзиёева.

Қарақалпақстан хабар агентлиги