Prezident járdemshisi Saida Mirziyoeva Amerika Qurama Shtatları Kongressi aǵzası, Ózbekstan menen birge islesiw boyınsha parlament kokusi qatnasıwshısı Kerol Miller menen ushırasıw ótkerdi. Bul haqqında Prezident járdemshisi óziniń Telegramdaǵı kanalında jazdı- dep málimleme beredi xs.uz saytı.

Atap ótiliwinshe, sáwbetlesiw dawamında Saida Mirziyoeva hám Kerol Miller Ózbekstan – AQSh qatnasıqların jáne de bekkemlew boyınsha pikir alısqan.
“Bilimlendiriw tarawındaǵı reformalar, hayal-qızlardıń huqıqları menen imkaniyatların keńeytiw, bul baǵdarlarda Kongress penen birge islesiwdi kúsheytiw máselelerine toqtap óttik. Qızǵın sáwbet hám qollap-quwatlaǵanı ushın Miller xanımǵa minnetdarshılıq bildiremen,” dep jazadı Mirziyoeva.

Qaraqalpaqstan xabar agentligi