Олий Мажлис Сенаты Баслығы Танзила Норбоева Қатар мәмлекетиниң Өзбекстандағы Айрықша ҳәм толық ҳуқықлы елшиси Ҳасан Ҳамза Асад Муҳаммед Ҳошим менен ушырасты.

Сөйлесиў даўамында Өзбекстан ҳәм Қатар арасындағы бирге ислесиўдиң ҳәзирги жағдайы ҳәм оны және де раўажландырыў перспективалары додаланды.

Атап айтқанда, сиясий, саўда-экономикалық ҳәм инвестициялық тараўларда бирге ислесиў жойбарларын кеңейтиў ҳәм парламентлераралық байланысларды беккемлеў мәселелерине айрықша итибар қаратылды.

Қатар мәмлекети Мәсләҳәт кеңеси менен парламентлераралық дослық топарын жеделлестириў, аймақлық кеңеслер менен сөйлесиўлерди жолға қойыў бойынша пикир алысылды.

Тәреплер пайтахтымызда болып өтетуғын Парламентлераралық аўқамның 150-юбилей ассамблеясы шеңберинде Қатар Мәсләҳәт кеңеси ўәкиллери менен нәтийжели сөйлесиўлерди шөлкемлестириўге келисип алды.

Ушырасыў соңында Өзбекстан ҳәм Қатар арасында кең көлемли өз-ара қатнасықларды раўажландырыў зәрүр екенлиги атап өтилди.

Н.Абдураимова, ӨзА