«Ҳәкимлер жерлерди таңлаўда, бәринен бурын, кеңейтиў тилегинде болған, жойбары таяр исбилерменлер сораған жерлерди аукционға шығарыўы керек», деди Президент.

Мәселен, Юнусабадтағы «Мингбоев роботикс» кәрханасы майыплығы бар адамлар ушын протез ҳәм экзо-склетлер таярлап, 100 ге шамалас адамды белсенди жәмийетлик турмысқа қайтарған. Исбилермен жумысын кеңейтиў ҳәм майыплығы болған адамлар арқайын кирип-шығыўы ушын қолайлы жер сораған.

Бундай жоқары технологиялы өним жарататуғын исбилерменлерге 10 мың квадрат метрге шекемги мәмлекетлик объектлер 5 жылға бийпул ижараға берилетуғыны белгиленди.

Соның менен бирге, бул бағдарда жаңа система енгизиледи: 15 район ҳәм қалада барлық мәмлекетлик уйымлар районлар орайындағы бир көп қабатлы имаратқа көшириледи. Жаңа имаратлардың 1-2-қабатлары исбилерменлерге сатылады.

Бул районларда мәмлекетлик уйымлардан босайтуғын 150 имарат аукционда исбилерменлерге усынылады.

Быйыл киши ҳәм орта бизнес жойбарлары инфраструктурасына ажыратылыўы белгиленген 1 триллон сумға қосымша 500 миллиард сум ажыратылады.

Қарақалпақстан хабар агентлиги