«Hákimler jerlerdi tańlawda, bárinen burın, keńeytiw tileginde bolǵan, joybarı tayar isbilermenler soraǵan jerlerdi aukcionǵa shıǵarıwı kerek», dedi Prezident.

Máselen, Yunusabadtaǵı «Mingboev robotiks» kárxanası mayıplıǵı bar adamlar ushın protez hám ekzo-skletler tayarlap, 100 ge shamalas adamdı belsendi jámiyetlik turmısqa qaytarǵan. Isbilermen jumısın keńeytiw hám mayıplıǵı bolǵan adamlar arqayın kirip-shıǵıwı ushın qolaylı jer soraǵan.
Bunday joqarı texnologiyalı ónim jaratatuǵın isbilermenlerge 10 mıń kvadrat metrge shekemgi mámleketlik obektler 5 jılǵa biypul ijaraǵa beriletuǵını belgilendi.
Sonıń menen birge, bul baǵdarda jańa sistema engiziledi: 15 rayon hám qalada barlıq mámleketlik uyımlar rayonlar orayındaǵı bir kóp qabatlı imaratqa kóshiriledi. Jańa imaratlardıń 1-2-qabatları isbilermenlerge satıladı.
Bul rayonlarda mámleketlik uyımlardan bosaytuǵın 150 imarat aukcionda isbilermenlerge usınıladı.
Bıyıl kishi hám orta biznes joybarları infrastrukturasına ajıratılıwı belgilengen 1 trillon sumǵa qosımsha 500 milliard sum ajıratıladı.

Qaraqalpaqstan xabar agentligi