Сапар етиў шеңберинде Париж қаласында Өзбекстан Республикасы Президенти Шавкат Мирзиёевти Франция Республикасының жоқары сыйлығы – Ҳүрметли легион ордени менен сыйлықлаў мәресими болып өтти.
Жоқары сыйлықты мәмлекетимиз басшысына Франция Президенти Эммануэль Макрон салтанатлы түрде тапсырды.
Өзбекстан Президенти еки мәмлекеттиң бирге ислесиўин раўажландырыў, халықларымыз арасындағы дослық ҳәм өз-ара түсинисиўди беккемлеўге қосқан үлкен үлеси ушын усы орденге ылайық болды.
Мәмлекетимиз жетекшиси сыйлық ушын Франция басшысына шын жүректен миннетдаршылық билдирип, соңғы жылларда тығыз бирге ислесиўде жоқары нәтийжелерге ерисилгени, еки мәмлекет қатнасықлары стратегиялық шериклик дәрежесине көтерилгенин қанаатланыўшылық пенен атап өтти.
Ҳүрметли легион ордени 1802-жылы шөлкемлестирилген. Францияда бул орден айрықша хызметлердиң мәмлекетлик дәрежеде тән алынғанының ҳәм ҳүрметтиң ең жоқары белгиси болып табылады.
ӨзА