Sapar etiw sheńberinde Parij qalasında Ózbekstan Respublikası Prezidenti Shavkat Mirziyoevti Franciya Respublikasınıń joqarı sıylıǵı – Húrmetli legion ordeni menen sıylıqlaw máresimi bolıp ótti.

Joqarı sıylıqtı mámleketimiz basshısına Franciya Prezidenti Еmmanuel Makron saltanatlı túrde tapsırdı.
Ózbekstan Prezidenti eki mámlekettiń birge islesiwin rawajlandırıw, xalıqlarımız arasındaǵı doslıq hám óz-ara túsinisiwdi bekkemlewge qosqan úlken úlesi ushın usı ordenge ılayıq boldı.
Mámleketimiz jetekshisi sıylıq ushın Franciya basshısına shın júrekten minnetdarshılıq bildirip, sońǵı jıllarda tıǵız birge islesiwde joqarı nátiyjelerge erisilgeni, eki mámleket qatnasıqları strategiyalıq sheriklik dárejesine kóterilgenin qanaatlanıwshılıq penen atap ótti.
Húrmetli legion ordeni 1802-jılı shólkemlestirilgen. Franciyada bul orden ayrıqsha xızmetlerdiń mámleketlik dárejede tán alınǵanınıń hám húrmettiń eń joqarı belgisi bolıp tabıladı.

ÓzA