2024-жылы Россияда көшпес мүлк сатып алыў бойынша Өзбекстан пуқаралары сырт ел қарыйдарлары арасында жетекши орынлардан бирин ийелеген. Резидент емеслер тәрепинен әмелге асырылған көшпес мүлк пенен байланыслы операциялардың 15 проценти өзбекстанлылар үлесине туўра келеди.

«Известия» басылымының жазыўынша, өзбекстанлылардан тысқары Беларусь (21 процент) ҳәм Қазақстан (18 процент) пуқаралары да Россия көшпес мүлкин сатып алыўда белсенди. Барлық сырт еллилер, соның ишинде, Өзбекстан пуқаралары да Москва (65 процент), Санкт-Петербург (10 процент) ҳәм Москва ўәлаятынан (15 процент) квартира сатып алыўды абзал көрген.

Флип инвестиция компаниясының мағлыўматларына бола, 2024-жыл сентябрь айынан баслап Россиядан көшпес мүлк сатып алыў бағдарында сырт ел пуқараларының қатнасыўындағы келисимлер саны турақлы өсип бармақта.

Қарақалпақстан хабар агентлиги