2024-jılı Rossiyada kóshpes múlk satıp alıw boyınsha Ózbekstan puqaraları sırt el qarıydarları arasında jetekshi orınlardan birin iyelegen. Rezident emesler tárepinen ámelge asırılǵan kóshpes múlk penen baylanıslı operaciyalardıń 15 procenti ózbekstanlılar úlesine tuwra keledi.

«Izvestiya» basılımınıń jazıwınsha, ózbekstanlılardan tısqarı Belarus (21 procent) hám Qazaqstan (18 procent) puqaraları da Rossiya kóshpes múlkin satıp alıwda belsendi. Barlıq sırt elliler, sonıń ishinde, Ózbekstan puqaraları da Moskva (65 procent), Sankt-Peterburg (10 procent) hám Moskva wálayatınan (15 procent) kvartira satıp alıwdı abzal kórgen.
Flip investiciya kompaniyasınıń maǵlıwmatlarına bola, 2024-jıl sentyabr ayınan baslap Rossiyadan kóshpes múlk satıp alıw baǵdarında sırt el puqaralarınıń qatnasıwındaǵı kelisimler sanı turaqlı ósip barmaqta.

Qaraqalpaqstan xabar agentligi