Ҳәзирги ўақытта Алкоголь ҳәм темеки базарын тәртипке салыў инспекциясының хызметкерлери тәрепинен аймақларда өндирис кәрханалары жумысы менен жақыннан танысыў, исбилерменлерге әмелий ҳәм ҳуқықый жәрдем көрсетиўге қаратылған жедел ушырасыўлар даўам етпекте. Гезектеги үгит-нәсият илажлары Қарақалпақстан Республикасы ҳәм Хорезм ўәлаятындағы  өндирис кәрханаларында өткерилди.

4 кәрханада өткерилген үгит-нәсиятлаў  илажларында тийкарғы итибар тараўға байланыслы  жаңа қабыл етилген нормативлик-ҳуқықый ҳүжжетлердиң мазмун-мәниси ҳәм ислеп шығарыўда техникалық ҳәм технологиялық нормаларға  әмел етиў бойынша түсиниклер бериў ҳәм бар машқалалар шешимине қаратылды.

Усы илажларда исбилерменлик субъектлерине алкоголь ҳәм темеки базарын тәртипке салыўда жасырын экономиканың алдын алыў илажлары, нызамсыз жумыстың унамлы жеңилликлери, лицензия талаплары, жаңа мәлимлеме  системасы арқалы интеграция процесслериниң унамлы әҳмийети ҳаққында түсиниклер берилди.

Инспекция  хызметкерлери тәрепинен кәрханаларда бар зәрүр асбап-үскенелер, приборлар, химиялық реактивлер ҳәм техникалық жақтан тәртипке  салыў тараўындағы  нормативлик ҳүжжетлер менен үскенеленген жағдайы, техникалық  жақтан тәртипке салыў тараўындағы нормативлик ҳүжжетлерде нәзерде тутылған барлық зәрүр физикалық-химиялық, микробиологиялық ҳәм басқа көрсеткишлерди анализлеў имканиятын беретуғын өндирис лабораториялары бар екенлиги  үйренилди.

Аймақларда бар кәрханаларда белгиленген тәртип тийкарында ислеп шығарылған  өнимлер көлеми ҳаққында мәлимлеме беретуғын электрон есаплағышларды таңбалаў жумыслары да алып барылды.

ӨзА