Házirgi waqıtta Alkogol hám temeki bazarın tártipke salıw inspekciyasınıń xızmetkerleri tárepinen aymaqlarda óndiris kárxanaları jumısı menen jaqınnan tanısıw, isbilermenlerge ámeliy hám huqıqıy járdem kórsetiwge qaratılǵan jedel ushırasıwlar dawam etpekte. Gezektegi úgit-násiyat ilajları Qaraqalpaqstan Respublikası hám Xorezm wálayatındaǵı óndiris kárxanalarında ótkerildi.

4 kárxanada ótkerilgen úgit-násiyatlaw ilajlarında tiykarǵı itibar tarawǵa baylanıslı jańa qabıl etilgen normativlik-huqıqıy hújjetlerdiń mazmun-mánisi hám islep shıǵarıwda texnikalıq hám texnologiyalıq normalarǵa ámel etiw boyınsha túsinikler beriw hám bar mashqalalar sheshimine qaratıldı.
Usı ilajlarda isbilermenlik subyektlerine alkogol hám temeki bazarın tártipke salıwda jasırın ekonomikanıń aldın alıw ilajları, nızamsız jumıstıń unamlı jeńillikleri, licenziya talapları, jańa málimleme sisteması arqalı integraciya processleriniń unamlı áhmiyeti haqqında túsinikler berildi.
Inspekciya xızmetkerleri tárepinen kárxanalarda bar zárúr asbap-úskeneler, priborlar, ximiyalıq reaktivler hám texnikalıq jaqtan tártipke salıw tarawındaǵı normativlik hújjetler menen úskenelengen jaǵdayı, texnikalıq jaqtan tártipke salıw tarawındaǵı normativlik hújjetlerde názerde tutılǵan barlıq zárúr fizikalıq-ximiyalıq, mikrobiologiyalıq hám basqa kórsetkishlerdi analizlew imkaniyatın beretuǵın óndiris laboratoriyaları bar ekenligi úyrenildi.
Aymaqlarda bar kárxanalarda belgilengen tártip tiykarında islep shıǵarılǵan ónimler kólemi haqqında málimleme beretuǵın elektron esaplaǵıshlardı tańbalaw jumısları da alıp barıldı.

ÓzA