Оман Патшалығында Өзбекстан менен саўда, инвестиция алмасыўын кеңейтиў, еки мәмлекеттиң экспорт ҳәм импорт имканиятын үйрениў мақсетинде бизнес-форум шөлкемлестирилди. Бул араб мәмлекетиниң Саўда-санаат  палатасы резиденциясында болып өткен әнжуман бойынша   ONA мәлимлеме агентлиги бетлеринде кеңнен сәўлелендирилди.

Форум мәмлекетимиз Саўда-санаат палатасының жуўаплы ўәкили Нодира Шотурсунова басшылығындағы көшпели мүлк, дизайн, электротехника, тоқымашылық, жеке меншик билимлендириў, медицина ҳәм экспорт тараўлары ўәкиллеринен ибарат жигирмаға шамалас  исбилермен ҳаял-қыздан ибарат делегацияның Оманға сапары шеңберинде өткерилгени атап өтилген.

Республикамыздың Маскаттағы елшиси Абдусалом Ҳотамов усы илаж саўда-экономикалық қатнасықларын беккемлеў, исбилермен ҳаял-қызлардың инновацияны раўажландырыў, бизнес шериклигин қоллап-қуўатлаўдағы  қатнасығын  кеңейтиўге қаратылғанын атап өтти.

Оман  Саўда-санаат палатасы Директорлар кеңеси ағзасы, Палата жанындағы Туризм комитети басшысы Суҳам бинт Аҳмад Ал Харисия ханым бирге ислесиўдиң әҳмийетли бағдарлары, түрли тараўлардағы имканиятлар додаланатуғын ири форум биринши мәрте өткерилип атырғанын еслетти.

Форум шеңберинде үйистирилген  еки тәреплеме ушырасыўлар күн тәртибинен  өз-ара бирге ислесиўди кеңейтиў, саўда қатнасықларын беккемлеў, тәжирийбе ҳәм мәлимлеме алмасыў, биргеликтеги бирге ислесиў имканиятларын үйрениў мәселелери орын алды.

Муҳаррама Пирматова, ӨзА