Oman Patshalıǵında Ózbekstan menen sawda, investiciya almasıwın keńeytiw, eki mámlekettiń eksport hám import imkaniyatın úyreniw maqsetinde biznes-forum shólkemlestirildi. Bul arab mámleketiniń Sawda-sanaat palatası rezidenciyasında bolıp ótken ánjuman boyınsha ONA málimleme agentligi betlerinde keńnen sáwlelendirildi.

Forum mámleketimiz Sawda-sanaat palatasınıń juwaplı wákili Nodira Shotursunova basshılıǵındaǵı kóshpeli múlk, dizayn, elektrotexnika, toqımashılıq, jeke menshik bilimlendiriw, medicina hám eksport tarawları wákillerinen ibarat jigirmaǵa shamalas isbilermen hayal-qızdan ibarat delegaciyanıń Omanǵa saparı sheńberinde ótkerilgeni atap ótilgen.
Respublikamızdıń Maskattaǵı elshisi Abdusalom Hotamov usı ilaj sawda-ekonomikalıq qatnasıqların bekkemlew, isbilermen hayal-qızlardıń innovaciyanı rawajlandırıw, biznes sherikligin qollap-quwatlawdaǵı qatnasıǵın keńeytiwge qaratılǵanın atap ótti.
Oman Sawda-sanaat palatası Direktorlar keńesi aǵzası, Palata janındaǵı Turizm komiteti basshısı Suham bint Ahmad Al Xarisiya xanım birge islesiwdiń áhmiyetli baǵdarları, túrli tarawlardaǵı imkaniyatlar dodalanatuǵın iri forum birinshi márte ótkerilip atırǵanın esletti.
Forum sheńberinde úyistirilgen eki tárepleme ushırasıwlar kún tártibinen óz-ara birge islesiwdi keńeytiw, sawda qatnasıqların bekkemlew, tájiriybe hám málimleme almasıw, birgeliktegi birge islesiw imkaniyatların úyreniw máseleleri orın aldı.

Muharrama Pirmatova, ÓzA