Жақында ўатанымыздың Масқаттағы елшиси Абдасалом Ҳотамов Оман жоқары билимлендириў, илимий изертлеўлер ҳәм инновация министри Раҳма бин Иброҳим Ал-Махруқий ханым менен ушырасыў өткерди.

Сөйлесиў даўамында Өзбекстан Жоқары билимлендириў, илим ҳәм инновациялар министрлиги ҳәм Оман Жоқары билимлендириў, илимий изертлеўлер ҳәм инновация министрлиги арасындағы бирге ислесиўди және де беккемлеў ҳәм делегациялар алмасыўын жеделлестириў мәселелери додаланды.

Сондай-ақ, еки мәмлекет жоқары билимлендириў мәкемелериниң илимпазлары қатнасыўында илимий изертлеў жумысларын алып барыўды жолға қойыў ҳәм Өзбекстан билимлендириў тараўына грант ажыратыў имканиятларына итибар қаратылды.

М.Пирматова, ӨзА