Кекселерге ҳүрмет көрсетиў , олардың ҳалынан хабар алыў халқымызға тән уллы пазыйлетлерден саналады. Өзбекстан Республикасы «Нураний» қоры Республикалық басқармасы бөлим баслығы М.Умаров, «Нураний» қоры Қарақалпақстан Республикасы бөлиминиң баслығы Т.Абдижаппаров, Руўхыйлық ҳәм ағартыўшылық орайы Қарақалпақстан Республикасы басқармасы баслығы Т.Атамуратов ҳәм тийисли тараў хызметкерлери Тақыятас районы «Кенегес» АПЖ жыйынында жасаўшы, 98 жасын қарсы алып алып атырған Екинши жер жүзилик урыста фронт артында хызмет еткен  нураний ата Тажимурат Аллаяровтың жағдайынан хабар алды ҳәм Тақыятас районы ҳәкиминиң қутлықлаўы ҳәм «Нураний» қоры Қарақалпақстан Республикасы бөлими тәрепинен таярланған естелик саўғаларын тапсырды.

Сәўбетлесиў пайытында елимиздиң раўажланыўына өз үлесин қосып, аўыл хожалығы тараўын раўажландырыўда жумыс алып барғаны, халқымыз дастурханының молшылығы ушын үлес қосқан жанкүйер, пидайы инсанлардың уллы мийнетин ҳеш нәрсе менен өлшеп болмайтуғынлығы атап өтилди.

Қарақалпақстан хабар агентлиги