Kekselerge húrmet kórsetiw , olardıń halınan xabar alıw xalqımızǵa tán ullı pazıyletlerden sanaladı. Ózbekstan Respublikası «Nuraniy» qorı Respublikalıq basqarması bólim baslıǵı M.Umarov, «Nuraniy» qorı Qaraqalpaqstan Respublikası bóliminiń baslıǵı T.Abdijapparov, Ruwxıylıq hám aǵartıwshılıq orayı Qaraqalpaqstan Respublikası basqarması baslıǵı T.Atamuratov hám tiyisli taraw xızmetkerleri Taqıyatas rayonı «Keneges» APJ jıyınında jasawshı, 98 jasın qarsı alıp alıp atırǵan Ekinshi jer júzilik urısta front artında xızmet etken nuraniy ata Tajimurat Allayarovtıń jaǵdayınan xabar aldı hám Taqıyatas rayonı hákiminiń qutlıqlawı hám «Nuraniy» qorı Qaraqalpaqstan Respublikası bólimi tárepinen tayarlanǵan estelik sawǵaların tapsırdı.
Sáwbetlesiw payıtında elimizdiń rawajlanıwına óz úlesin qosıp, awıl xojalıǵı tarawın rawajlandırıwda jumıs alıp barǵanı, xalqımız dasturxanınıń molshılıǵı ushın úles qosqan jankúyer, pidayı insanlardıń ullı miynetin hesh nárse menen ólshep bolmaytuǵınlıǵı atap ótildi.

Qaraqalpaqstan xabar agentligi