АҚШ ҳәм Россия ўәкиллери Саудия Арабстанында сөйлесиў өткерген болса, Түркия басшысы Режеп Таййип Эрдоған Анкарада Владимир Зеленский менен ушырасты.

Украина жетекшиси кеше кеште Бирлескен Араб Әмирликлеринен Түркия пайтахтына ушып келди.

– Саудия пайтахтындағы сөйлесиў Украина ушын күтилмеген ўақыя, – делинген «Анадолу» хабарында. – Бул ҳаққында Президент Зеленский Эрдоған менен бирге Анкарада өткерилген қоспа баспасөз әнжуманында айтты.

Ол Түркияның миймандослығы, өз-ара сөйлесиўге салмақлы ҳәм конструктив қатнасқанынан қанаатланғанын билдирип, былай деген:

– Қатнасықларымыз жоқары дәрежеде, бул ушын мырза Эрдоғанға ҳәм пүткил түрк халқына миннетдаршылық билдиремен, деди. Сиясатшы Түркия украиналы әскерий хызметкерлерди, тыныш халық ўәкиллерин тутқынлықтан азат етиўге жәрдем бергенин еследи. Сондай-ақ, мәмлекет Украинаның аймақлық пүтинлиги ҳәм суверенитети бойынша оғада принципиал позицияда екенин жоқары баҳалады.

Президент жақында Украинаның Анкарадағы елшиси етип тайынланған Нариман Жалол да 3 жыл тутқынлықта сақланғанын еслетти.

– Барлық украиналы тутқынлар үйлерине қайтсын, – деп қосымша етти Украина басшысы. – Олар өзиниң шаңарағы менен тыныш-татыў жасасын. Тутқынларды Украинаға қайтарыўымыз керек. Ар-Риёдтағы Россия – АҚШ сөйлесиўи биз ушын күтилмеген қәдем болды. Бул ҳаққында ғалаба хабар қуралларынан билдик.

М.Пирматова, ӨзА