Өзбекстан Республикасының турақлы халқының саны 2025-жыл 1-январь жағдайына бола, 37,5 миллион адамды қурамақта. Бул көрсеткиш 2024-жылдың усы дәўирине салыстырғанда 2 процентке артқан. Бул ҳаққында Өзбекстан Республикасы Мәмлекетлик статистика комитети хабар берди.

Оған бола, 2024-жылдың январь декабрь айлары даўамында Республика бойлап 926,4 мың туўылыў жағдайы көрсетилген. Қала халқының саны 19,1 миллион, аўыл халқы болса 18,4 миллионды қураған. Жәми халық санының 18,9 миллионы ер адамлар, 18,6 миллионы болса ҳаял-қызлардан ибарат.

Турақлы халықтың аймақлар бойынша бөлистирилиўи төмендегише:

– Қарақалпақстан Республикасы — 2 млн 029,7 мың адам;

– Әндижан ўәлаяты – 3 млн 461,0 мың адам;

– Бухара ўәлаяты – 2 млн 077,0 мың адам;

– Жиззақ ўәлаяты – 1 млн 537,6 мың адам;

– Қашқадәрья ўәлаяты – 3 млн 639,3 мың адам;

-Наўайы ўәлаяты – 1 млн 094,7 мың адам;

– Наманган ўәлаяты 3 млн 131,7 мың адам;

– Самарқанд ўәлаяты – 4 млн 297,5 мың адам;

– Сурхандәрья ўәлаяты – 2 млн 945,5 мың адам;

– Сырдәрья ўәлаяты – 930,8 мың адам;

– Ташкент ўәлаяты – 3 млн 108,5 мың адам;

– Ферғана ўәлаяты – 4 млн 144,7 мың адам;

– Хорезм ўәлаяты – 2 млн 032,4 мың адам;

– Ташкент қаласы– 3 млн 112,8 мың адам.

2025-жыл 1-январь жағдайына бола, аймақлардың жәми халық санындағы үлеси бойынша ең көп көрсеткиш Самарқанд, Ферғана, Қашқадәрья ҳәм Әндижан ўәлаятлары үлесине туўра келген,-деп мәлимлеме береди xs.uz сайты.

Қарақалпақстан хабар агентлиги