Ózbekstan Respublikasınıń turaqlı xalqınıń sanı 2025-jıl 1-yanvar jaǵdayına bola, 37,5 million adamdı quramaqta. Bul kórsetkish 2024-jıldıń usı dáwirine salıstırǵanda 2 procentke artqan. Bul haqqında Ózbekstan Respublikası Mámleketlik statistika komiteti xabar berdi.
Oǵan bola, 2024-jıldıń yanvar dekabr ayları dawamında Respublika boylap 926,4 mıń tuwılıw jaǵdayı kórsetilgen. Qala xalqınıń sanı 19,1 million, awıl xalqı bolsa 18,4 milliondı quraǵan. Jámi xalıq sanınıń 18,9 millionı er adamlar, 18,6 millionı bolsa hayal-qızlardan ibarat.
Turaqlı xalıqtıń aymaqlar boyınsha bólistiriliwi tómendegishe:

– Qaraqalpaqstan Respublikası — 2 mln 029,7 mıń adam;
– Ándijan wálayatı – 3 mln 461,0 mıń adam;
– Buxara wálayatı – 2 mln 077,0 mıń adam;
– Jizzaq wálayatı – 1 mln 537,6 mıń adam;
– Qashqadárya wálayatı – 3 mln 639,3 mıń adam;
-Nawayı wálayatı – 1 mln 094,7 mıń adam;
– Namangan wálayatı 3 mln 131,7 mıń adam;
– Samarqand wálayatı – 4 mln 297,5 mıń adam;
– Surxandárya wálayatı – 2 mln 945,5 mıń adam;
– Sırdárya wálayatı – 930,8 mıń adam;
– Tashkent wálayatı – 3 mln 108,5 mıń adam;
– Ferǵana wálayatı – 4 mln 144,7 mıń adam;
– Xorezm wálayatı – 2 mln 032,4 mıń adam;
– Tashkent qalası– 3 mln 112,8 mıń adam.
2025-jıl 1-yanvar jaǵdayına bola, aymaqlardıń jámi xalıq sanındaǵı úlesi boyınsha eń kóp kórsetkish Samarqand, Ferǵana, Qashqadárya hám Ándijan wálayatları úlesine tuwra kelgen,-dep málimleme beredi xs.uz saytı.

Qaraqalpaqstan xabar agentligi