Өзбекстан Республикасы Президенти Шавкат Мирзиёев 18-февраль күни Кувейттен Ташкентке қайтқаннан соң, қала қурылысы тараўындағы халықаралық илажларда қатнасыў ушын елимизге келген Түркий мәмлекетлер шөлкеми Ақсақаллар кеңесиниң баслығы, белгили сиясатшы, Түркия Республикасының бурынғы бас министри Бинали Йилдиримды қабыллады.

Ушырасыў басында жоқары мәртебели мийман мәмлекетимиз басшысына Түркия  Президенти Режеп Таййип Эрдоғанның сәлемин ҳәм жақсы тилеклерин жеткерди.

Көп тәреплеме бирге ислесиўди муўапықластырў ҳәм  алға қойыўда Ақсақаллар  кеңесиниң роли ҳәм белсене қатнасыўы артып атырғанын есапқа алып, шөлкем шеңберинде ҳәр тәреплеме бирге ислесиўди буннан былай да кеңейтиў мәселелери додаланды.

Түркий мәмлекетлер шөлкеми саммитлериниң жуўмағында қабыл етилген бағдарлама ҳәм басламаларды әмелге асырыў мақсетинде әмелий шерикликти кеңейтиў ҳәм байланысларды жеделлестриў әҳмийетли екени атап өтилди.

ТМШ шеңберинде болажақ илажларға таярлық көриў ҳәм оларды өткериў мәселелери көрип шығылды.

Ақсақаллар кеңеси Түркий мәмлекетлер шөлкеми жанындағы турақлы мәсләҳәт уйымы есапланатуғынын атап өтиў керек.

Түркий дүнья қала қурлысы конгресси 2002-жылы Анкара қаласында шөлкемлестирилген Инженер ҳәм архитекторлар аўқамы тәрепинен өткериледи. Аўқамның жумысына Самарқанд ҳәм Наўайы қалаларының ҳәкимликлери белсене қатнаспақта.

ӨзА