Өзбекстан мәҳәллелери ассоциациясы ҳәм «Digital Generation Uzbekistan» мәмлекетлик емес коммерциялық емес шөлкеми арасында бирге ислесиў меморандумына қол қойылған еди.

Өзбекстан мәҳәллелери ассоциациясы баслығы Қаҳрамон Қуронбаев усы билимлендириў мәкемесиниң жумысы менен танысты.

Жас программистлер, технологлар менен сөйлести. Сөйлесиў даўамында «Digital Generation Uzbekistan» мәмлекетлик емес коммерциялық емес шөлкеминиң алдағы раўажланыў стратегиясы ҳаққында мағлыўмат берилди.

Бул билимлендириў мәкемесинде әсиресе, инклюзив лабораторияның жумысы дыққатқа ылайық. Бул жерде еситиў қәбилети төмен болған балалар, мектеп-интернат оқыўшылары ушын робототехника ҳәм санлы дизайн сабақлары шөлкемлестирилген.

Илаж даўамында «Digital Generation Uzbekistan» мәмлекетлик емес коммерциялық емес шөлкеми менен биргеликте «Санлы әўлад» оқыў-изертлеў лабораторияларын елимиздиң 14 аймағында шөлкемлестириўге келисип алынды.

Н.Усманова,

ӨзАның хабаршысы