Ózbekstan máhálleleri associaciyası hám «Digital Generation Uzbekistan» mámleketlik emes kommerciyalıq emes shólkemi arasında birge islesiw memorandumına qol qoyılǵan edi.
Ózbekstan máhálleleri associaciyası baslıǵı Qahramon Quronbaev usı bilimlendiriw mákemesiniń jumısı menen tanıstı.
Jas programmistler, texnologlar menen sóylesti. Sóylesiw dawamında «Digital Generation Uzbekistan» mámleketlik emes kommerciyalıq emes shólkeminiń aldaǵı rawajlanıw strategiyası haqqında maǵlıwmat berildi.
Bul bilimlendiriw mákemesinde ásirese, inklyuziv laboratoriyanıń jumısı dıqqatqa ılayıq. Bul jerde esitiw qábileti tómen bolǵan balalar, mektep-internat oqıwshıları ushın robototexnika hám sanlı dizayn sabaqları shólkemlestirilgen.
Ilaj dawamında «Digital Generation Uzbekistan» mámleketlik emes kommerciyalıq emes shólkemi menen birgelikte «Sanlı áwlad» oqıw-izertlew laboratoriyaların elimizdiń 14 aymaǵında shólkemlestiriwge kelisip alındı.

N.Usmanova,
ÓzAnıń xabarshısı