Өзбекстан Республикасы Президенти Шавкат Мирзиёев Кувейт Мәмлекети Амири Шайх Мищъал ас-Сабоҳтиң мирәт етиўине бола 17-февраль күни рәсмий сапар менен усы мәмлекетке келди.

Ал-Кувейт халықаралық аэропортында мәмлекетимиз басшысын Амир Шайх Мищъал ас Сабоҳ, Мийрасхор Шайх Сабоҳ Холид ал-Ҳамад ас – Сабоҳ ҳәм басқа рәсмий шахслар күтип алды.

Өзбекстан жетекшисиниң келиўине ҳүрметли қараўыл сап тартты, мәмлекет байрақлары көтерилди, еки мәмлекеттиң гимнлери атқарылды.

Президентимиз ҳүрметли қараўыл сап алдынан өтти. Соң мәмлекет басшылары рәсмий делегациялар ағзалары ҳәм дипломатиялық корпус ўәкиллерин қутлықлады.

Аэропорттың Амир терминалында жетекшилер арасында қысқа сәўбет болып өтти.

Бүгин Өзбекстан Президенти ҳәм Кувейт Амири жоқары дәрежеде сөйлесиўлер өткереди. Саммит күн тәртибинен Өзбекстан менен Кувейт арасындағы дослық ҳәм көп тәреплемели бирге ислесиў байланысларын және де беккемлеў, сиясий, саўда-экономикалық, инвестиция-қаржы ҳәм мәдений-гуманитарлық тараўларындағы бирге ислесиўди кеңейтиў мәселелери орын алған.

Илажлар жуўмағында бир қатар ҳүкиметлераралық ҳәм уйымлараралық келисимлер қабыл етилиўи нәзерде тутылған.

ӨзА