Президент қол қойған үшинши ҳүжжетке бола, Алоқабанк жаслардың бизнес жойбарларын қоллап-қуўатлайтуғын таяныш «жаслар банки»не айландырылып, буған 200 миллион доллар ажыратылды.
Банк өзин-өзи бәнт еткен жаслар жойбарлары ушын 100 миллион сумға шекем 7 жыл мүддетке жеңилликли микроқарыз ажыратады.
Сондай-ақ, жеке тәртиптеги исбелермен болған, кеминде 20 жасты жумысқа алып, киши кәрхана ашқан ҳәм оқыў орайын шөлкемлестирген жас исбилерменлерге 7 жыл мүддетке 5 миллиард сумға шекем жеңилликли кредит бериледи.
Банк кредитлериниң кеминде 30 проценти ҳаял-қызлар исилерменлиги ушын қаратылады.
Аймақларда «жаслар бизнес инкубаторы» шөлкемлестирилип, жаслар идеялары стартапқа айландырылады, 6 айдан 3 жылға шекем қоллап-қуўатланады, таяр бизнес, кәрхана дәрежесине алып шығылады.
«Алоқа венчур» қоры арқалы стартапларға 50 мыңнан 1 миллион долларға шекем инвестиция киргизилип, өним ҳәм хызметлерди ишки ҳәм халықаралық базарларда сатыў, бизнес шерик табыў, қосымша инвестицияларды тартыўға жәрдем бериледи.
Қарақалпақстан хабар агентлиги