Bank ózin-ózi bánt etken jaslar joybarları ushın 100 million sumǵa shekem 7 jıl múddetke jeńillikli mikroqarız ajıratadı.
Sonday-aq, jeke tártiptegi isbelermen bolǵan, keminde 20 jastı jumısqa alıp, kishi kárxana ashqan hám oqıw orayın shólkemlestirgen jas isbilermenlerge 7 jıl múddetke 5 milliard sumǵa shekem jeńillikli kredit beriledi.
Bank kreditleriniń keminde 30 procenti hayal-qızlar isilermenligi ushın qaratıladı.
Aymaqlarda «jaslar biznes inkubatorı» shólkemlestirilip, jaslar ideyaları startapqa aylandırıladı, 6 aydan 3 jılǵa shekem qollap-quwatlanadı, tayar biznes, kárxana dárejesine alıp shıǵıladı.
«Aloqa venchur» qorı arqalı startaplarǵa 50 mıńnan 1 million dollarǵa shekem investiciya kirgizilip, ónim hám xızmetlerdi ishki hám xalıqaralıq bazarlarda satıw, biznes sherik tabıw, qosımsha investiciyalardı tartıwǵa járdem beriledi.

Qaraqalpaqstan xabar agentligi