Өзбекстан Республикасы Президенти Шавкат Мирзиеёв 11-февраль күни Халықаралық мәсләҳәт кеңесиниң экспертлери Альфред Гузенбауэр, Александр Квасьневский ҳәм Штефан Фюленди қабыллады.
Жаңа Өзбекстанда реформалар стратегиясын әмелге асырыўға экспертлик жәрдемин көрсетиў ҳәм Европа Аўқамы мәмлекетлери ҳәм институтлары менен көп тәреплемели бирге ислесиўди кеңейтиў мақсетинде өз-ара пайдалы бирге ислесиўди раўажландырыўдың әҳмийетли мәселелери көрип шығылды.
Алдыңғы халықаралық тәжирийбени үйрениў ҳәм енгизиў, мәмлекетимиз экономикасының тармақ ҳәм тараўларын модернизациялаўға технологиялар ҳәм инвестицияларды тартыў бойынша әмелий бирге ислесиў әҳмийетли екенлиги атап өтилди.
Самарқанд қаласында өткерилетуғын «Европа Аўқамы –Орайлық Азия» саммитине таярлық шеңберинде халықаралық ҳәм регионаллық әҳмийетке ийе мәселелер бойынша пикир алысты.
ӨзА