Ózbekstan Respublikası Prezidenti Shavkat Mirzieyov 11-fevral kúni Xalıqaralıq másláhát keńesiniń ekspertleri Alfred Guzenbauer, Aleksandr Kvasnevskiy hám Shtefan Fyulendi qabılladı.
Jańa Ózbekstanda reformalar strategiyasın ámelge asırıwǵa ekspertlik járdemin kórsetiw hám Evropa Awqamı mámleketleri hám institutları menen kóp táreplemeli birge islesiwdi keńeytiw maqsetinde óz-ara paydalı birge islesiwdi rawajlandırıwdıń áhmiyetli máseleleri kórip shıǵıldı.
Aldıńǵı xalıqaralıq tájiriybeni úyreniw hám engiziw, mámleketimiz ekonomikasınıń tarmaq hám tarawların modernizaciyalawǵa texnologiyalar hám investiciyalardı tartıw boyınsha ámeliy birge islesiw áhmiyetli ekenligi atap ótildi.
Samarqand qalasında ótkeriletuǵın «Evropa Awqamı –Oraylıq Aziya» sammitine tayarlıq sheńberinde xalıqaralıq hám regionallıq áhmiyetke iye máseleler boyınsha pikir alıstı.
ÓzA