Социаллық тармақларда Бухара ўәлаяты Ромитан районы Газли қалашасына жақын аймақта өрт жүз берип атырғаны ҳаққында хабар тарқалды.

Бухара ўәлаяты Айрықша жағдайлар басқармасынан алынған хабарға қарағанда, бүгин 10-февраль күни саат 11:26 да «Газли» магистрал газ қазыў басқармасының диаметри 1020 мм болған 26 кг басым астындағы «Бухара-Урал» МГҚның жер астынан өткен 106 километринде (ең жақын елатлы пункт Ромитан районы «Қызыл рабат» мәкан пуқаралар жыйынынан 40 километр узақлықта) авария жүз берген.

Алып барылған оператив ҳәрекетлердиң нәтийжесинде саат 11:30да қулағы жабылып, қалдық газлердиң шығып кетиўи бақланған. Ҳәзир авария толық сапластырылған. Ўақыя орнына ўәлаятлық АЖБ, Ромитан районы АЖБ баслығы 1 өрт-қутқарыў экипажы жетип барған.

Ҳәдийсе ақыбетинде дене жарақатын алғанлар ҳәм қайтыс болғанлар жоқ.

Қарақалпақстан хабар агентлиги