Қарақалпақстан Республикасында қурылыс тараўы жедел раўажланып атырған экономикамыздың әҳмийетли бир бөлеги есапланады.

Республикамызда 2024-жылдың январь-декабрь айы даўамында  жәми 8553,2  млрд. сумлық қурылыс жумыслары әмелге асырылып, өсим пәти өткен жылдың сəйкес дәўирине салыстырғанда 107,4 процентти қурады.

Қурылыс жумыслары көлеминиң қурамына ири қурылыс  кәрханалары тәрепинен исленген қурылыс жумыслары 1200,1 млрд. сумды қурап, өсим пәти  145,3 процентке ерисилди. Оның жәми қурылыс жумыслары көлеминдеги үлеси 14,0 процентти қурады.

Киши кәрхана ҳәм микрофирмалар тәрепинен исленген қурылыс жумысларының үлеси 51,4 процентти қурап, олардың есабына туўра келген қурылыс жумысларының көлеми 4 394,1  млрд. сум муғдарында болып, өсим пәти 101,0 процентке ерисилди.

Рәсмий болмаған сектор есабына туўра келген қурылыс жумыслары  жәми қурылыс жумысларының 34,6 процентин қурап, 2959,0 млрд. сум муғдарында есапланды. ϴткен жылдың сәйкес дәўирине салыстырғанда  өсим пәти 106,1 процентти қурады.

Қурылыс жумысларының ең жоқары көлем көрсеткиши Нөкис қаласы (21,5 %), Төрткул (7,8 %), Елликқала (5,5 %), Беруний (4,8 %) районларына  туўра келди.

Д.Абдуллаева,

Қарақалпақстан Республикасы

статистика басқармасы Инвестиция

ҳәм қурылыс статистикасы бөлими бас қәнигеси.

Қарақалпақстан хабар агентлиги