Qaraqalpaqstan Respublikasında qurılıs tarawı jedel rawajlanıp atırǵan ekonomikamızdıń áhmiyetli bir bólegi esaplanadı.
Respublikamızda 2024-jıldıń yanvar-dekabr ayı dawamında jámi 8553,2 mlrd. sumlıq qurılıs jumısları ámelge asırılıp, ósim páti ótken jıldıń səykes dáwirine salıstırǵanda 107,4 procentti quradı.

Qurılıs jumısları kóleminiń quramına iri qurılıs kárxanaları tárepinen islengen qurılıs jumısları 1200,1 mlrd. sumdı qurap, ósim páti 145,3 procentke erisildi. Onıń jámi qurılıs jumısları kólemindegi úlesi 14,0 procentti quradı.
Kishi kárxana hám mikrofirmalar tárepinen islengen qurılıs jumıslarınıń úlesi 51,4 procentti qurap, olardıń esabına tuwra kelgen qurılıs jumıslarınıń kólemi 4 394,1 mlrd. sum muǵdarında bolıp, ósim páti 101,0 procentke erisildi.
Rásmiy bolmaǵan sektor esabına tuwra kelgen qurılıs jumısları jámi qurılıs jumıslarınıń 34,6 procentin qurap, 2959,0 mlrd. sum muǵdarında esaplandı. ϴtken jıldıń sáykes dáwirine salıstırǵanda ósim páti 106,1 procentti quradı.
Qurılıs jumıslarınıń eń joqarı kólem kórsetkishi Nókis qalası (21,5 %), Tórtkul (7,8 %), Ellikqala (5,5 %), Beruniy (4,8 %) rayonlarına tuwra keldi.

D.Abdullaeva,
Qaraqalpaqstan Respublikası
statistika basqarması Investiciya
hám qurılıs statistikası bólimi bas qánigesi.
Qaraqalpaqstan xabar agentligi