Февраль айы республикамызда «Жаслар арасында нәшебентлик затларының тарқалыўына қарсы гүресиў» айлығы деп жәрияланған еди.

Жаслар арасында нәшебентлик затларының тарқалыўының алдын алыў ҳәм саламат турмыс тәризин кеңнен ен жайдырыў мақсетинде, Өзбекстан мәмлекетлик дене тәрбиясы ҳәм спорт университети Нөкис филиалы тәрепинен студентлер арасында «Дослық» каналы бойында 3 километрге жуўырыў марафоны шөлкемлестирилди.

Кескин өткен жарыс жуўмағында, ерлер арасында биринши орынды жеңил атлетика қәнигелигиниң 3-курс студенти Мерей Тахиржанов жеңип алыўға еристи. Сыйлы екинши ҳәм үшинши орынлар болса, жеңил атлетика қәнигелигиниң 3-курс студенти Исламбек Ортиқов ҳәм  Адаптив дене тәрбия ҳәм спорт қәнигелигиниң 1-курс студенти Султамурат Қлишназаровларға несип етти.

Ал, қызлар арасында өткерилген жарыста болса, жеңимпазлықты  волейбол қәнигелигиниң 1-курс студенти Перийзат Балтабаева қолға киргизиўге миясар болды.

Бәйги сызығына екинши ҳәм үшинши болып жетип келген волейбол қәнигелигиниң 1-курс студенти Ағзия Абыллаева менен ескек есиў қәнигелигиниң 2-курс студенти Лаура Алламбергеновалар гүмис ҳәм қола медальларына жеңип алды

Марафонда сыйлы орынларды ийелеген студентлер филиал администрациясы тәрепинен таярланған Диплом ҳәм естелик саўғалары менен сыйлықланды.

Адилбай Оразов,

Қарақалпақстан хабар агентлиги шолыўшысы