“Өзбекстан Республикасы ушын карантин әҳмийетине ийе болған зыянлы организмлердиң дизимин тастыйықлаў ҳаққында”ғы қарар тастыйықланды.

Әдиллик министрлиги тәрепинен мәмлекетлик дизимнен өткерилген ҳүжжет 2025-жылдың 14-январь сәнесинен күшке кирди.

Тастыйықланған дизимде мәмлекетимиз аймағында жоқ яки шекленген тәризде  болған, тарқалыўы үлкен экономикалық зыян келтириўи мүмкин болған ҳәм карантин әҳмийетине ийе зыянлы организмлерге қарсы гүресиў объекти есапланған зыянлы организмлер келтириледи.

Нормативлик ҳүжжет тийкарында карантин әҳмийетине ийе болған зыянлы организмлердиң мәмлекетимиз аймағына кирип келиўи менен байланыслы қәўиплердиң алдын алыўға тийисли илажлар қолланылады.

Сондай-ақ, қарарға тийкарланып Өзбекстан Республикасы аймағында ушыраспайтуғын карантин әҳмийетине ийе болған зыянлы организмлер (зыянкеслер, өсимлик кеселликлеринен замаррықлы кеселликлер, бактериал кеселликлер, вируслы кеселликлер, нематодалар ҳәм жабайы шөплер) және мәмлекетимиздиң айырым аймақларында тарқалған карантин әҳмийетине ийе болған зыянлы организмлер (зыянкеслер, жабайы шөплер, вируслы кеселликлер) дизими жаңаланды.

Ендигиден былай өсимликлер ҳәм өсимлик өнимлериниң импортына байланыслы жумыслар жаңаланған дизим бойынша әмелге асырылады.

Мағлыўмат ушын, мәмлекетимиз аймағында ушыраспайтуғын карантин әҳмийетине ийе:

Зыянкеслер – 95;

Замаррықлы кеселликлер – 17;

Нематодалар – 13;

Бактериал кеселликлер – 17;

Вируслы кеселликлер – 32;

Жабайы шөплер – 36 ны қурамақта.

Өзбекстанның айырым аймақларында тарқалған карантин әҳмийетине ийе болған зыянлы организмлер:

Зыянкеслер – 8;

Вируслы кеселликлер – 1;

Жабайы шөплер – 3 ти қурамақта.

 

Бектурған Иматов,

Өсимликлер карантини ҳәм қорғаў агентлиги

Кегейли районы бөлими инспекторы.

Қарақалпақстан хабар агентлиги