“Ózbekstan Respublikası ushın karantin áhmiyetine iye bolǵan zıyanlı organizmlerdiń dizimin tastıyıqlaw haqqında”ǵı qarar tastıyıqlandı.

Ádillik ministrligi tárepinen mámleketlik dizimnen ótkerilgen hújjet 2025-jıldıń 14-yanvar sánesinen kúshke kirdi.
Tastıyıqlanǵan dizimde mámleketimiz aymaǵında joq yaki sheklengen tárizde bolǵan, tarqalıwı úlken ekonomikalıq zıyan keltiriwi múmkin bolǵan hám karantin áhmiyetine iye zıyanlı organizmlerge qarsı gúresiw obyekti esaplanǵan zıyanlı organizmler keltiriledi.
Normativlik hújjet tiykarında karantin áhmiyetine iye bolǵan zıyanlı organizmlerdiń mámleketimiz aymaǵına kirip keliwi menen baylanıslı qáwiplerdiń aldın alıwǵa tiyisli ilajlar qollanıladı.
Sonday-aq, qararǵa tiykarlanıp Ózbekstan Respublikası aymaǵında ushıraspaytuǵın karantin áhmiyetine iye bolǵan zıyanlı organizmler (zıyankesler, ósimlik keselliklerinen zamarrıqlı kesellikler, bakterial kesellikler, viruslı kesellikler, nematodalar hám jabayı shópler) jáne mámleketimizdiń ayırım aymaqlarında tarqalǵan karantin áhmiyetine iye bolǵan zıyanlı organizmler (zıyankesler, jabayı shópler, viruslı kesellikler) dizimi jańalandı.
Endigiden bılay ósimlikler hám ósimlik ónimleriniń importına baylanıslı jumıslar jańalanǵan dizim boyınsha ámelge asırıladı.
Maǵlıwmat ushın, mámleketimiz aymaǵında ushıraspaytuǵın karantin áhmiyetine iye:
Zıyankesler – 95;
Zamarrıqlı kesellikler – 17;
Nematodalar – 13;
Bakterial kesellikler – 17;
Viruslı kesellikler – 32;
Jabayı shópler – 36 nı quramaqta.
Ózbekstannıń ayırım aymaqlarında tarqalǵan karantin áhmiyetine iye bolǵan zıyanlı organizmler:
Zıyankesler – 8;
Viruslı kesellikler – 1;
Jabayı shópler – 3 ti quramaqta.

Bekturǵan Imatov,
Ósimlikler karantini hám qorǵaw agentligi
Kegeyli rayonı bólimi inspektorı.
Qaraqalpaqstan xabar agentligi.