Президент жанындағы Статистика агентлигиниң мәлим етиўинше, Өзбекстанда 2024-жылы  926,4  мың бала туўылды. Бул өткен жылға салыстырғанда 3,7 процентке аз болып, туўылыўлар саны 2017-жылдан берли биринши рет төменледи.

Туўылыўдың ең үлкен үлеси Самарқан ўәлаятында (12 процент) бақланды. Ферғана ўәлаятында -11,1 процент, Қашқадәрья ўәлаятында- 10,9 процент, Әндижан ўәлаятында -9,3 процент ҳәм Сурхандәрья ўәлаятында -9,1 процент.

Туўылыў дәрежеси Сырдәрья (2,4 процент), Наўайы (2,8 процент), Жиззақ ўәлаятлары (4,2 процент), Қарақалпақстан Республикасы (4,5 процент)ҳәм Бухара ўәлаятында (5 процент) төмен.

2024-жылы қайтыс болғанлардың улыўма саны 174,4 мың адамды қурады. Бул 2023-жылға салыстырғанда 0,9 процентке көп. Өлимшилик саны избе-из екинши жыл көбейди, бирақ 2020 ҳәм 2022-жыллардан төменирек.

Өлимшиликтиң тийкарғы себеплери: 57,6 процент- қан айланыў системасы кеселликлери, 9,4 процент –исиклер, 6,3 процент –дем алыў системасы кеселликлери, 5,8 процент –бахытсыз ҳәдийселер, зәҳәрлениў ҳәм зақымланыўлар, 4,1 процент –аўқат сиңдириў системасы кеселликлери, 1,1 процент, -жуқпалы ҳәм паразитар кеселликлер, 15,7 процент – басқа кеселликлер.

Өлимшилик жағдайларының ең үлкен үлеси Самарқанд ўәлаятында (10,8 процент) жүз берди, Ферғана ўәлаятында -10,3 процент, Әндижан ўәлаятында -10,2 процент, Ташкент қаласында- 9,6 процент, Ташкет ўәлаятында -9,4 процент.

Сырдәрья (2,6 процент), Наўайы (2,8 процент), Жиззақ (3,5 процент), Хорезм (5,2 процент) ҳәм Бухара (5,5 процент) ўәлаятларында өлимшилик үлеси салыстырмалы түрде аз.

ӨзА