Prezident janındaǵı Statistika agentliginiń málim etiwinshe, Ózbekstanda 2024-jılı 926,4 mıń bala tuwıldı. Bul ótken jılǵa salıstırǵanda 3,7 procentke az bolıp, tuwılıwlar sanı 2017-jıldan berli birinshi ret tómenledi.

Tuwılıwdıń eń úlken úlesi Samarqan wálayatında (12 procent) baqlandı. Ferǵana wálayatında -11,1 procent, Qashqadárya wálayatında- 10,9 procent, Ándijan wálayatında -9,3 procent hám Surxandárya wálayatında -9,1 procent.
Tuwılıw dárejesi Sırdárya (2,4 procent), Nawayı (2,8 procent), Jizzaq wálayatları (4,2 procent), Qaraqalpaqstan Respublikası (4,5 procent)hám Buxara wálayatında (5 procent) tómen.
2024-jılı qaytıs bolǵanlardıń ulıwma sanı 174,4 mıń adamdı quradı. Bul 2023-jılǵa salıstırǵanda 0,9 procentke kóp. Ólimshilik sanı izbe-iz ekinshi jıl kóbeydi, biraq 2020 hám 2022-jıllardan tómenirek.
Ólimshiliktiń tiykarǵı sebepleri: 57,6 procent- qan aylanıw sisteması kesellikleri, 9,4 procent –isikler, 6,3 procent –dem alıw sisteması kesellikleri, 5,8 procent –baxıtsız hádiyseler, záhárleniw hám zaqımlanıwlar, 4,1 procent –awqat sińdiriw sisteması kesellikleri, 1,1 procent, -juqpalı hám parazitar kesellikler, 15,7 procent – basqa kesellikler.
Ólimshilik jaǵdaylarınıń eń úlken úlesi Samarqand wálayatında (10,8 procent) júz berdi, Ferǵana wálayatında -10,3 procent, Ándijan wálayatında -10,2 procent, Tashkent qalasında- 9,6 procent, Tashket wálayatında -9,4 procent.
Sırdárya (2,6 procent), Nawayı (2,8 procent), Jizzaq (3,5 procent), Xorezm (5,2 procent) hám Buxara (5,5 procent) wálayatlarında ólimshilik úlesi salıstırmalı túrde az.

ÓzA