28-январь күни Нөкис қаласындағы Алоқа банк имаратында Startup Garage филиалы ашылды. Бул жойбар AloqaBank, AloqaVentures ҳәм Startup Garage басламасы менен шөлкемлестирилген. Мәнзил Қарақалпақстан Республикасы, Нөкис қаласы, Ислам Кәримов көшеси 102-жай.

Startup Garage’ның тийкарғы мақсети:

жаслардың стартап идеяларын қоллап-қуўатлаў ҳәм бизнеске айландырыў;

бар идеяларды «MVP» (киши жумысшы бағдарлама) дәрежесине жеткериў;

менторлар менен тәмийинлеў ҳәм тәжирийбе алмасыў;

стартапларды офис ҳәм техникалық инфраструктура менен тәмийинлеў;

банк экосистемасына интеграциялаў ҳәм ҳуқықый жәрдем көрсетиў;

инвестициялар тартыўға әмелий жәрдем бериў;

ишки ҳәм халықаралық базарларға шығыўына жәрдемлесиў.

Мағлыўмат ушын, 2025-жылдың басынан Startup Garage филиаллары ашылған аймақлардың саны 6 ға жетти.

Қарақалпақстан хабар агентлиги