28-yanvar kúni Nókis qalasındaǵı Aloqa bank imaratında Startup Garage filialı ashıldı. Bul joybar AloqaBank, AloqaVentures hám Startup Garage baslaması menen shólkemlestirilgen. Mánzil Qaraqalpaqstan Respublikası, Nókis qalası, Islam Kárimov kóshesi 102-jay.

Startup Garage’nıń tiykarǵı maqseti:
jaslardıń startap ideyaların qollap-quwatlaw hám bizneske aylandırıw;
bar ideyalardı «MVP» (kishi jumısshı baǵdarlama) dárejesine jetkeriw;
mentorlar menen támiyinlew hám tájiriybe almasıw;
startaplardı ofis hám texnikalıq infrastruktura menen támiyinlew;
bank ekosistemasına integraciyalaw hám huqıqıy járdem kórsetiw;
investiciyalar tartıwǵa ámeliy járdem beriw;
ishki hám xalıqaralıq bazarlarǵa shıǵıwına járdemlesiw.
Maǵlıwmat ushın, 2025-jıldıń basınan Startup Garage filialları ashılǵan aymaqlardıń sanı 6 ǵa jetti.

Qaraqalpaqstan xabar agentligi