«Түркий мәмлекетлер халықаралық университетин шөлкемлестириў ҳаққында»ғы Президент қарары қабыл етилди.

Қарарға бола, Ташкент қаласында Түркий мәмлекетлер халықаралық университети шөлкемлестириледи.

Төмендегилер Университет жумысының тийкарғы бағдарлары етип белгиленди, соның ишинде:

-инженерлик, қурылыс, логистика, мәлимлеме технологиялары ҳәм программаластырыў, денсаўлықты сақлаў, аўыл хожалығы, азық-аўқат санааты ҳәм экономикалық ҳәм социаллық тараў ушын халықаралық стандартларға муўапық жоқары мағлыўматлы кадрлар таярлаў;

-оқыў бағдарламаларын сырт ел, соның ишинде, Түркияның жетекши жоқары билимлендириў шөлкемлери менен биргеликте, сондай-ақ, биргеликтеги билимлендириў бағдарламалары тийкарында енгизиў ҳәм илимий-изертлеўлер алып барыў.

Университет мәмлекетлик емес жоқары билимлендириў шөлкеми есапланады ҳәм өз жумысын Өзбекстанның билимлендириў тараўындағы нызамшылық ҳүжжетлери тийкарында әмелге асырады.

2025-2026-оқў жылынан Университетте билимлендириў процеси билимлендириў тараўында халықаралық тән алынған шөлкемлер рейтингинде биринши 1000 лық дизимге кирген, сондай-ақ, өз бағдарында жетекши есапланған Түркия Республикасы жоқары билимлендириў шөлкемлериниң оқыў бағдарламалары тийкарында шөлкемлестириледи.

Университетте студентлерди оқытыў төлемли-контракт тийкарында әмелге асырылады ҳәм қабыллаў параметрлери ҳәм төлемли-контракт муғдары Университет тәрепинен белгиленеди.

Университеттиң жумысын жолға қойыў ҳәм муўапықластырыў бойынша басқарыў кеңеси шөлкемлестириледи.

ӨзА