«Túrkiy mámleketler xalıqaralıq universitetin shólkemlestiriw haqqında»ǵı Prezident qararı qabıl etildi.

Qararǵa bola, Tashkent qalasında Túrkiy mámleketler xalıqaralıq universiteti shólkemlestiriledi.
Tómendegiler Universitet jumısınıń tiykarǵı baǵdarları etip belgilendi, sonıń ishinde:
-injenerlik, qurılıs, logistika, málimleme texnologiyaları hám programmalastırıw, densawlıqtı saqlaw, awıl xojalıǵı, azıq-awqat sanaatı hám ekonomikalıq hám sociallıq taraw ushın xalıqaralıq standartlarǵa muwapıq joqarı maǵlıwmatlı kadrlar tayarlaw;
-oqıw baǵdarlamaların sırt el, sonıń ishinde, Túrkiyanıń jetekshi joqarı bilimlendiriw shólkemleri menen birgelikte, sonday-aq, birgeliktegi bilimlendiriw baǵdarlamaları tiykarında engiziw hám ilimiy-izertlewler alıp barıw.
Universitet mámleketlik emes joqarı bilimlendiriw shólkemi esaplanadı hám óz jumısın Ózbekstannıń bilimlendiriw tarawındaǵı nızamshılıq hújjetleri tiykarında ámelge asıradı.
2025-2026-oqw jılınan Universitette bilimlendiriw procesi bilimlendiriw tarawında xalıqaralıq tán alınǵan shólkemler reytinginde birinshi 1000 lıq dizimge kirgen, sonday-aq, óz baǵdarında jetekshi esaplanǵan Túrkiya Respublikası joqarı bilimlendiriw shólkemleriniń oqıw baǵdarlamaları tiykarında shólkemlestiriledi.
Universitette studentlerdi oqıtıw tólemli-kontrakt tiykarında ámelge asırıladı hám qabıllaw parametrleri hám tólemli-kontrakt muǵdarı Universitet tárepinen belgilenedi.
Universitettiń jumısın jolǵa qoyıw hám muwapıqlastırıw boyınsha basqarıw keńesi shólkemlestiriledi.

ÓzA