«Өзбекстан Республикасы Министрлер Кабинети жанындағы Санаат, радиация ҳәм ядро қәўипсизлиги комитети жанындағы «Радиация ҳәм ядро қәўипсизлиги илимий –техникалық орайы» мәмлекетлик мәкемесиниң жумысын жолға қойыў илажлары ҳаққында»ғы Ҳүкимет қарары (27-санлы, 21.01.2025.ж) қабыл етилди.

Оған бола, төмендегилер «Радиация ҳәм ядро қәўипсизлиги илимий-техникалық орайы» мәмлекетлик мәкемеси жумысының тийкарғы бағдарлары етип белгиленди:

-радиация ҳәм ядро қәўипсизлиги тараўында мәмлекетлик сиясатты жүргизиў ҳәм тәртипке салыў бойынша илимий изертлеўлер ҳәм илимий-техникалық жумыслар тийкарында усыныслар илеп шығыў;

-атом энергиясынан пайдаланыў объектлериниң ҳәм (яки) атом энергиясынан пайдаланыў тараўындағы жумыстың қәўипсизлигин тийкарлаўға байланыслы экспертиза өткериў;

-атом энергиясынан пайдаланыў тараўында радиация ҳәм ядро қәўипсизлиги бойынша нормативлик базаны раўажландырыў ҳәм қәлиплестириў;

-радиация ҳәм ядро қәўипсизлиги мәселелери бойынша мәмлекетлик бағдарламалар, халықаралық жойбарлар ҳәм бағдарламаларды ислеп шығыўда, сондай-ақ, қадағалаў ҳәм лицензиялаў хызметин техникалық, таллаў ҳәм экспериментал қоллап-қуўатлаўда қатнасыў;

-радиация ҳәм ядро қәўипсизлиги тараўында алдыңғы технологиялардан пайдаланған ҳалда илимий тийкарланған қәўипсизлик, моделлестириў ҳәм есаплаў таллаўын өткериў;

-радиация ҳәм ядро қәўипсизлигин тәртипке салыў тараўында мағлыўматлар базаларын ислеп шығыў, жаратыў, қәлиплестириў ҳәм сақлаў;

-өз ўәкиллиги шеңберинде халықаралық бирге ислесиўди әмелге асырыў,-деп мәлимлеме береди xabar.uz сайты.

Қарақалпақстан хабар агентлиги