«Ózbekstan Respublikası Ministrler Kabineti janındaǵı Sanaat, radiaciya hám yadro qáwipsizligi komiteti janındaǵı «Radiaciya hám yadro qáwipsizligi ilimiy –texnikalıq orayı» mámleketlik mákemesiniń jumısın jolǵa qoyıw ilajları haqqında»ǵı Húkimet qararı (27-sanlı, 21.01.2025.j) qabıl etildi.

Oǵan bola, tómendegiler «Radiaciya hám yadro qáwipsizligi ilimiy-texnikalıq orayı» mámleketlik mákemesi jumısınıń tiykarǵı baǵdarları etip belgilendi:
-radiaciya hám yadro qáwipsizligi tarawında mámleketlik siyasattı júrgiziw hám tártipke salıw boyınsha ilimiy izertlewler hám ilimiy-texnikalıq jumıslar tiykarında usınıslar ilep shıǵıw;
-atom energiyasınan paydalanıw obyektleriniń hám (yaki) atom energiyasınan paydalanıw tarawındaǵı jumıstıń qáwipsizligin tiykarlawǵa baylanıslı ekspertiza ótkeriw;
-atom energiyasınan paydalanıw tarawında radiaciya hám yadro qáwipsizligi boyınsha normativlik bazanı rawajlandırıw hám qáliplestiriw;
-radiaciya hám yadro qáwipsizligi máseleleri boyınsha mámleketlik baǵdarlamalar, xalıqaralıq joybarlar hám baǵdarlamalardı islep shıǵıwda, sonday-aq, qadaǵalaw hám licenziyalaw xızmetin texnikalıq, tallaw hám eksperimental qollap-quwatlawda qatnasıw;
-radiaciya hám yadro qáwipsizligi tarawında aldıńǵı texnologiyalardan paydalanǵan halda ilimiy tiykarlanǵan qáwipsizlik, modellestiriw hám esaplaw tallawın ótkeriw;
-radiaciya hám yadro qáwipsizligin tártipke salıw tarawında maǵlıwmatlar bazaların islep shıǵıw, jaratıw, qáliplestiriw hám saqlaw;
-óz wákilligi sheńberinde xalıqaralıq birge islesiwdi ámelge asırıw,-dep málimleme beredi xabar.uz saytı.

Qaraqalpaqstan xabar agentligi