Кармело Ингуангез Мальтаның Өзбекстандағы биринши елшиси етип тайынланды. Бул ҳаққында Сыртқы ислер министри Бахтиёр Саидов өзиниң «Телеграм» каналында мәлим етти, деп хабар береди xs.uz.

Хабарға бола, 23-январь күни Мальтаның мәмлекетимиздеги биринши елшиси етип тайынланған Кармело Ингуанез Сыртқы ислер министри Бахтиёр Саидовқа  исеним жарлығын тапсырды.

Сондай-ақ, илаж күн тәртибинен еки тәреплеме қатнасықлардың ҳуқықый тийкарларын беккемлеў, парламентлер арасында дослық топарларын шөлкемлестириў, экономикалық бирге ислесиўди раўажландырыў, туризмди қоллап-қуўатлаў, билимлендириў тараўында қатнасықларды жеделлестириў ҳәм мәмлекетлер  арасындағы қатнасықларды жоқарылатыўға қаратылған басқа бағдарларды да додалаў орын алған.

«Сөйлесиўлер ўақтында  дипломатиялық паспорт ийелери ушын өз-ара визасыз режим енгизиў ҳаққында келисимге қол қойдық», – деп жазған Өзбекстан СИМ басшысы.

Еслетип өтемиз,  Өзбекстанның Мальта менен дипломатиялық қатнасықлары 1993-жыл 25-февральда орнатылған. Еки мәмлекет те өткен 32 жыл ишинде өз-ара сиясий, экономикалық ҳәм мәдений-гуманитарлық тараўларда тығыз бирге ислесип келмекте.

Қарақалпақстан хабар агентлиги