Өзбекстан Республикасы Президенти Шавкат Мирзиёев 22-январь күни елимизде сапар менен болып турған Россия Федерациясының қорғаныў министри Андрей Белоусовты қабыллады.

Ушырасыў басында Россия қорғаныў уйымының басшысы Өзбекстан жетекшисине Россия Федерациясы Президенти Владимир Путинниң сәлемин ҳәм ең жақсы тилеклерин жеткерди.

Өзбекстан-Россия кең көлемли стратегиялық шериклик ҳәм аўқамласлық қатнасықларын Россия Федерациясы Президентиниң 2024-жыл май айында Өзбекстан Республикасына мәмлекетлик сапары барысында ерисилген келисимлерди әмелге асырыў көз-қарасынан буннан былай да раўажландырыў мәселелери көрип шығылды.

Қабыл етилген бағдарламалық ҳәм реже ҳүжжетлерине муўапық еки мәмлекет қорғаныў уйымларының бирге ислесиўин кеңейтиў зәрүрлиги атап өтилди.

ӨзА