Ózbekstan Respublikası Prezidenti Shavkat Mirziyoev 22-yanvar kúni elimizde sapar menen bolıp turǵan Rossiya Federaciyasınıń qorǵanıw ministri Andrey Belousovtı qabılladı.

Ushırasıw basında Rossiya qorǵanıw uyımınıń basshısı Ózbekstan jetekshisine Rossiya Federaciyası Prezidenti Vladimir Putinniń sálemin hám eń jaqsı tileklerin jetkerdi.
Ózbekstan-Rossiya keń kólemli strategiyalıq sheriklik hám awqamlaslıq qatnasıqların Rossiya Federaciyası Prezidentiniń 2024-jıl may ayında Ózbekstan Respublikasına mámleketlik saparı barısında erisilgen kelisimlerdi ámelge asırıw kóz-qarasınan bunnan bılay da rawajlandırıw máseleleri kórip shıǵıldı.
Qabıl etilgen baǵdarlamalıq hám reje hújjetlerine muwapıq eki mámleket qorǵanıw uyımlarınıń birge islesiwin keńeytiw zárúrligi atap ótildi.

ÓzA