Кеше Англия чемпионы «Манчестер Сити»  клубы Өзбекстан сайланды командасы ағзасы Абдуқодир Ҳусанов пенен рәсмий түрде шәртнама дүзгенин жәриялаған еди.

Ҳәзир көпшилик футбол жанкүйерлерин Ҳусановтың Премьер-лигада  қашан ойынға түсетуғынлығы қызықтырып атырғаны тәбийғый.

Соңғы мағлыўматларға қарағанда, Абдуқодирдиң «Манчестер Сити»деги дебюти 25-январь күни әмелге асыўы мүмкин. Себеби, усы күни Гвардиола басқарыўындағы команда «Этихад Арена»да өзиниң әзелий қарсыласларының бири болған Лондонның «Челси» клубы менен ойын өткереди.

Адилбай Оразов,

Қарақалпақстан хабар агентлиги шолыўшысы