Keshe Angliya chempionı «Manchester Siti» klubı Ózbekstan saylandı komandası aǵzası Abduqodir Husanov penen rásmiy túrde shártnama dúzgenin járiyalaǵan edi.

Házir kópshilik futbol jankúyerlerin Husanovtıń Premer-ligada qashan oyınǵa túsetuǵınlıǵı qızıqtırıp atırǵanı tábiyǵıy.
Sońǵı maǵlıwmatlarǵa qaraǵanda, Abduqodirdiń «Manchester Siti»degi debyuti 25-yanvar kúni ámelge asıwı múmkin. Sebebi, usı kúni Gvardiola basqarıwındaǵı komanda «Еtixad Arena»da óziniń ázeliy qarsılaslarınıń biri bolǵan Londonnıń «Chelsi» klubı menen oyın ótkeredi.

Adilbay Orazov,
Qaraqalpaqstan xabar agentligi sholıwshısı